尋晚同班小賤人食飯，
無無聊聊講起圍內CAMP，又開盤估邊個係爆點。

其實我想講，真係同大家虛渡一晚光陰我都已經好開心。

或者我地都大個仔大個女，
成熟左都無咁多交鬧，
但賤野好笑野永遠無停（即係都仲係好幼稚）。

以前會好緊張傾計有無質素，
而家只係想見到大家齊齊整整。

以前十二個人鬧交鬧到喊，喊到甩CON，黑面，
諗番完全唔會嬲同唔開心，（其實仲覺得好好笑）
因為有十一個小賤人同我分享左三年，分擔左三年，
大家心底裡都知有咩事都好呢班賤嘴都會撐你，
其實我真係覺得自己好好彩。

今年第四年圍內CAMP啦，
原來第四年，感覺好似已經好多好多年，
好似屋企人咁伴我成長，
下年五周年一定要玩大佢 ^_^

（我仲想講我總係覺得我地最後都係會去番長洲==)